Apeli i Posaçëm i GJKKO ka shtyrë sot vendimin për ankimimin e ish-kryeministrit Sali Berisha për heqjen e masës së sigurisë “arrest shtëpie”. Seanca e radhës është caktuar nesër në orën 09:00.
Ish-kryeministri përmes avokatëve të tij ka ankimuar masën e sigurisë së caktuar ndaj tij, e cila u vendos në datën 30 dhjetor të vitit që lamë pas.
Lidhur me këtë shyrje të seancës, ka reaguar dhe njëri nga avokatët e Berishës, Genc Gjokutaj, i cili tja se kjo është një shkelje e rëndë nga Apeli.
Ai u shpreh se qendrimi i gjykatës është variabël, ndërsa shtoi se mungesa e gjykatës i bën prokurorët të vijnë si në bar-kafe.
“Prokurorët mbajtën një qëndrim, folëm 2 orë e gjysmë ata kontestuan për 5 minuta. Dje thanë nuk paraqitet. Qendrim variabël. Vendimi shkelje e rëndë ç’ka përbën përgjegjësi të madhe për gjykatësen. Do presim vendimin nesër në orën 09:00.Mungesa e gjykatës i bën prokurorët të vijnë si në bar-kafe. Nuk ka barazi palësh në gjykim”, tha Gjokutaj.
