Rusia akuzohet përsëri për ndërhyrje në zgjedhje. Këtë herë bëhet fjalë për Ukrainën, e cila është duke pritur rezultatin e zgjedhjeve të ardhshme presidenciale, megjithatë është duke u përfolur se rusët po përpiqen që të ndikojnë në rezultatin e tyre.
Kjo deklaratë është e analistëve që janë duke monitoruar propagandën e Kremlinit në votimet e vendosura për në datë 31 mars.
Sipas agjendës tashmë të vendosur, votimi mbahet ditën e diel dhe është i ndarë në dy raunde, tek i pari janë 39 kandidatë do të jenë të vendosur në fletëvotim, ndërsa tri javë më vonë do të mbahet Raundi i Dytë.
Sipas VOA, duke mos patur asnjë kandidat pro-rus pjesëmarrës në zgjedhje, analistët paralajmërojnë se Kremlini ka përdorur mjetet sociale dhe ndikimin e fshehtë në mediat ukrainase për të penguar zgjedhjet.
