Në një reagim të fortë, analisti i njohur Andi Bushati ka nxjerrë në pah përpjekjet e dukshme të analistëve të lidhur me qeverinë për të minimizuar peshën e akuzave të rënda të ish-zv.kryeministrit Arben Ahmetaj në intervistën e dhënë në Syri TV.
Nëpërmjet një postimi në Facebook, Bushati thekson se mënyra se si TV Klan dhe analistët e ftuar në studio, të cilët konsiderohen të afërt me kryeministrin Rama, u përpoqën të trajtojnë dhe të zbehin akuzat e Ahmetajt, është “e paimagjinueshme”.
“Çfarë perle!”, shkruan Bushati, duke vënë në dukje se vetë përzgjedhja e titujve nga televizioni dhe përpjekjet e vazhdueshme të komentuesve për të ulur rëndësinë e deklaratave të ish-zyrtarit të lartë, demonstrojnë qartë nivelin e kapjes së medias dhe analistëve nga pushteti.
Sipas Bushatit, kjo qasje e koordinuar për të minimizuar akuzat e Ahmetajt është një tregues i qartë i ndikimit që qeveria ushtron mbi median dhe analistët e saj të preferuar.
