Amerika e para edhe për vaksinën anti-Covid. Presidenti amerikan Donald Trump pritet të nënshkruajë një udhër ekzekutiv që siguron se amerikanët do të vaksinohen të parët kundër koronavirusit, bën me dije Fox News.
Urdhri i jep prioritet vaksinimit të amerikanëve, e më pas qeveria mund të ndihmojë shtetet në të gjithë botën.
Lajmi për urdhrin ekzekutiv vjen vetëm disa ditë përpara se Administrata Ushqimit dhe Barnave (FDA) të mblidhet për të vendosur mbi aplikimin e Pfizer dhe BioNTech për autorizimin e përdorimit emergjent të vaksinës kundër koronavirusit. Ndërsa në 17 dhjetor, FDA do të mblidhet për të disktuar mbi vaksinë e kompanisë Moderna.
Një burim nga Task Forca kundër koronavirusit tha për “Fox News” se autorizimi për përdorimin e vaksinës së Pfizer/Biotech mund të ndodhë që ditën e premte.
“Prioritet është që të sigurohemi t’i shpërndajmë këto vaksina te amerikanët, më pas t’i nisim në vendet e tjera të botës”, tha një zyrtar i lartë i administratës së Trump për Fox News.
