Ambasadorja e Shteteve të Bashkuara të Amerikës, Yuri Kimka qenë ditën e sotme në një vizitë 60 minutëshe në Prokurorinë e Posaçme Antikorrupsion dhe AntiKrimit të Organizuar.
Bëhet me dije se ambasadorja amerikane është takuar me drejtuesit e SPAK, me të cilët ka diskutuar për çështje me rëndësi. Ndër të tjera, bëhet e ditur se Kim ka takuar edhe drejtuesen e Byrosë Kombëtare të Hetimeve, Aida Hajnaj.
Ambasadorja nuk ka publikuar deri më tani asnjë detaj nga takimi, Ndërkohë që pak ditë më parë pati edhe një takim me kreun e SPAK, Arben Kraja. Kim shkruante pas takimit me Krajën se SPAK do të kryejë hetime për korrupsionin dhe krimin e organizuar në vend, pa bërë dallime se cilës parti i përkiste personi apo çfarë pozite kishte.
Kujtojmë se ditën e sotme u bë me dije se SPAK ka nisur verifikimet për disa prej emrave të propozuar për ministra. Kreu i kësaj strukture, Arben Kraja e pohoi diçka të tillë, ndërsa shtoi se kur verifikimet të jenë përfunduar, do të jepet informacion zyrtar aq sa e lejon ligji. Një ditë më parë, presidenti Ilir Meta kërkoi që të kryheshin verifikime për emrat e propozuar për kabinetin e ri qeveritar, pak para aftatit për dekretimin e tyre.
