Yuri Kim, ambasadorja e Shteteve të Bashkuara të Amerikës në Tiranë, ka qenë sot në selinë blu.
Ajo zhvilloi një takim me kreun e opozitës jashtëparlamentare, Lulzim Basha.
Ky takim u bë në kuadër të prezantimeve dhe diskutimeve që ambasadorja po zhvillon me aktorët politikë në vendin tonë.
Pas takimit Basha ka reaguar me anë të një statusi në Facebook, ku shprehet se po bëhet gati për tu dhënë shqiptarëve një rrugë shprese dhe zhvillimi.
Ai ka paralajmëruar zhvillime e lajme të reja nga dita e sotme.
Statusi i plotë
“Kënaqësi e veçantë të mirëpres Znj. Yuri Kim, Ambasadoren e SHBA, aleatit dhe partnerit tonë strategjik.
E urova Ambasadoren Kim për detyrën e re dhe e sigurova atë për bashkëpunim të plotë të opozitës në përmbushjen e të gjithë angazhimeve të vendit tonë me SHBA.
Ndava me të pikëpamjet për zhvillimet e fundit në Shqipëri dhe e garantova për angazhimin e plotë dhe serioz të PD në zbatimin e reformave dhe zgjidhjen e krizës politike.
Shtetet e Bashkuara të Amerikës do të vazhdojnë të jenë në krah të popullit shqiptar ashtu siç kanë bërë gjatë gjithë historisë së marrëdhënieve të shkëlqyera mes dy vendeve tona.”
Kujtojmë se më herët lideri i PD-së takoi presidentim e Parlamentit Europian, David Sassoli dhe delegacionin e KiE, me të cilët ndau pikëpamjet e përbashkëta për procesin e integrimit të Shqipërisë në Bashkimin Europian.
