“Papën e keqkuptuam!” thotë Ambasadori i Vatikanit për Ukrainën, duke përgënjeshtruar kritikat ndaj deklaratave të Papës Françesku, të cilat u përballën me reagime të ashpra nga Ministria e Jashtme ukrainase. Papai sugjeroi të hapej dialogu me Rusinë për të zgjidhur konfliktin, por ambasadori thotë se nuk ka fjalë për dorëzim, por për përfshirje të të gjitha palëve në bisedime.
“Besoj se një nga aspektet kyçe të komenteve të Papës tashmë është sqaruar. Papa nuk po sugjeron dorëzim. Përkundrazi, siç shpjegoi Kardinali Parolin, Sekretari i Shtetit, kur përdori termin ‘negociata’, Papa nënkuptoi që të gjitha palët duhet të jenë të përfshira në procesin e bisedimeve. Veçanërisht, duhet të jenë agresorët, në këtë rast Rusia, ajo që duhet të ndalojnë sulmet e para dhe të krijojnë kushte për bisedime.
Gjithashtu, kur flasim për ‘negociata’, mund të tingëllojë naive, duke pasur parasysh ngjarjet e pakëndshme të viteve të fundit, veçanërisht gjatë invazionit të Rusisë në Ukrainë. Ftesa e Papës synon të tejkalojë këto përvoja negative dhe të eksplorojë qasje alternative, përfshirë të reja, për të gjetur në fund formën më të përshtatshme të negociatave një që të respektoj Ukrainën dhe jetët njerëzore”, tha Arqipeshkvi Visvaldas Kulbokas, Nunco Apostolik në Ukrainë.
Ndërkaq, ndihma e Kishës Katolike në Ukrainë përjeton një rritje të madhe, duke shërbyer si një shembull konkret i përkushtimit të Papës për të ndihmuar në situatën e vështirë në Ukrainë.
“Nëse konsiderojmë veprimet e Papës, spitali i Pontifikut “Bambino Gesù” në Romë, shërben si një shembull konkret. Ai tashmë ka pritur mbi 2,500 fëmijë ukrainas. Mbështetja e ofruar shkon përtej ndihmës humanitare të thjeshtë; po ofrohen forma të ndryshme të asistencës. Papa po kontribuon aktivisht përmes Kardinal Krajewski, dhe ka gjithashtu punë të rëndësishme që po bëhet nga Kishat dhe Caritas. Shkalla e ndihmës është vërtetë e konsiderueshme. Për shembull, një ipeshk më tha se ai gjeti donatorë që ishin të gatshëm të ofronin 40 milionë dollarë vlerë e pajisje mjekësore dhe ilaçe për një spital të vetëm”,-tha Arqipeshkvi Visvaldas Kulbokas, Nunco Apostolik në Ukrainë.
