Ambasadori i Bashkimit Europian në Shqipëri ka falenderuar mjekun Tritan Kalo që e ndihmoi të mjekohej gjatë periudhës që ishte i infektuar me VOVID-19 Luigi Soreca ka thënë se ka kaluar një formë të rëndë të virusit, ndërsa ka bërë me dije se është kuruar në Shqipëri. Ka qenë vetë mjeku Tritan Kalo ai që në një postim ka zbuluar falenderimin e Soreca-s. Kalo shkruan se fjalët e ambasadorit shprehin vlerat civilizuese të Demokracisë Perëndimore, ndërsa ka shprehur mirënjohje për konsideratën e Soreca-s.
Postimi i Kalos:
Kohë kovidiane….11.03.2021….Në mjediset e Shërbimit të Imazherisë në QSUNT, dje u inagurua një dhuratë e re BE-së për Shëndetësinë tonë Publike, një CT-Scanner i gjeneratës më të fundme në vlerë 700.000 Euro…Në fjalën e tij me këtë rast Ambasadori i BE-së Luigi Soreca, mes të tjerave u shpreh se: “Më lejoni t’ju them se personalisht kalova një formë të rëndë të Covid-19, dhe u mjekova këtu në Shqipëri. Më lejoni të falenderoj në emër të BE-së dhe timin personal, Profesor Kalon, i cili si mjek personal më ndoqi me shumë miqësi përgjatë kësaj periudhe mjaft të vështirë.”…..Fjalë zëmre të cilat shprehin njëkohësisht edhe vlerat civilizuese të Demokracisë Perëndimore…Ju jam mirënjohës Ambasador Soreka për vlerësimin tuaj ndaj Punës, Përkushtimit dhe Profesionalizmit tim…. Together forever!!!
https://www.facebook.com/tritan.kalo/posts/4150730424951692
