Ambasada e Shteteve të Bashkuara të Amerikës në Shqipëri ka njoftuar se do të zhvillojë misionin e saj ditën e nesërme për të monitoruar si qendrat e votimit, ashtu edhe ato të nuërimit gjatë gjithë procesit. Në një postim në rrjetet sociale Ambasada njofton se do të jetë e pranishme derisa puna të jetë kryer.
Njoftimi i plotë:
Ambasada e Shteteve të Bashkuara të Amerikës është gati të drejtohet në të mbarë Shqipërinë për të zhvilluar nesër misionin e saj të vëzhgimit të zgjedhjeve. Ne do të monitorojmë si qendrat e votimit ashtu edhe ato të numërimit gjatë gjithë procesit. Ne do të jemi atje derisa puna të jetë e kryer.
Ditën e neësrme mbahen zgjedhjet e përgjithshme parlamentare në Shqipëri. Sot është heshtje zgjedhore, ndërsa ditët e fundit të fushatës elektorale kanë qenë të tensionuara me ngjarje të rënda siç ka qenë vrasja e Pjerin Xhuvanit dhe plagosja e një sekretari të PD në qytetin e Kavajës, brenda në zyrë. Ambasda Amerikane ka bërë vazhdimisht thirrje për vetëpërmbajtje nga palët. Në zgjedhjet e nesërme Partia Socialiste kërkon një mandat të tretë për të qeverisur vendin, ndërsa Partia Demokratike kërkon që të vijë në pushtet, pas dz mandatesh në opozitë.
