Altin Kodra, i cili u vendos në regjimin “41 bis” disa ditë më parë, ka apeluar këtë masë në Gjykatën e Posaçme.
Ai është dënuar me 22 vjet burg për akuzat e “Vrasjes me dashje” dhe “Mbajtjes pa leje të armëve luftarake”.
Gjatë periudhës së vuajtjes së dënimit, Kodra është përballur edhe me dënime të tjera për vepra të ndryshme penale.
Më 11 tetor 2012, ai u dënua nga Gjykata e Rrethit Gjyqësor Krujë për “Largim nga vendi i qëndrimit”. Po ashtu, në maj 2022, u dënua nga Gjykata e Rrethit Gjyqësor Elbasan për “Mbajtje të sendeve të ndaluara në IEVP”.
Regjimi “41 bis” është një masë për të burgosurit që janë të përfshirë në aktivitete të rënda kriminale, si anëtarë të grupeve të strukturuara, organizatave kriminale, grupeve të armatosura ose organizatave terroriste. Ky regjim është një masë sigurie e lartë për individët me rrezikshmëri të madhe.
