Të premten e kaluarr Altin Dumani u zgjodh kreu i r i SPAK-ut, teksa është konsideruar si emri i preferuar i amerikanëve. Ndërkohë që deputetja e Partisë Demokratike, Jorida Tabaku në një intervistë për “News 24” ka treguar në lidhje me pritshmëritë e saj mbi funksionimin e drejtësisë në vend. Tabaku tha se pret që drejtësia e re të mos jetë një kopje e drejtësisë së vjetër.
Gjithashtu deputetja e Partisë Demokratike deklaroi se pret që drejtuesi i ri i SPAK-ut të marrë përgjegjësi për të gjitha dosjet e denoncuara nga ana e saj duke vënë theksin tek ato që i konsideron si “peshqit e mëdhenj”. Gjithashtu Jorida Tabaku shtoi se pret nga SPAK që të veprojë me integritet kundër korrupsionit dhe të trajtojë me rigozitet të gjitha çështjet e paraqitura.
“Kam kërkuar që drejtësia e re të mos jetë një kopje e drejtësisë së vjetër. Drejtuesi i ri të marrë përgjegjësi për të gjitha dosjet që unë kam denoncuar. Jo me peshqit e vegjël. Jemi mësuar me punonjës që shkojnë përpara drejtësisë. Pres integritet për t’i shkuar të gjitha çështjeve. Lufta ndaj korrupsionit tregohet vetëm më punë. Nëse do kishte ndëshkim në dogana kushdo që vinte pas do të kishte friktë të bënte një akt korruptiv”, tha ajo.
