Drejtuesi Politik i Partisë Demokratike në Qarkun e Beratit, TomorAlizoti, ishte në fermën e një blegtori, i cili prej 25 vitesh ka investuar për të rritur krerët dhe prodhimin. Në fjalën e tij, Alizoti tha mes të tjerash: “Subvencionet që kam marrë nuk kanë qenë të mjaftueshme për t’u përballur me tregun evropian.
Ne me kushtet që kemi dhe me subvencionet që na janë dhënë, jemi të fundit, jo vetëm në rajon, por brenda Shqipërisë, sidomos ne qarku i Beratit. Bujqësia shqiptare ka mbetur si në mesjetë. Unë bëj thirrje që qeveria që do të vijë më 26 prill të ketë programe afatgjata dhe të mbështetura në fushën e blegtorisë, si një nga fushat më të vështira, ku punohet 24 orë”, tha fermeri.
Subvencionimi i bujqësisë, tha Alizoti, është një nga planet konkrete të Partisë Demokratike. “Subvencionim direkt, investim në teknologjinë bujqësore është i domosdoshëm, pasi bujqësia ka nivel më keq se mesjetar. Është jo e konkurrueshme. Nuk konkurron brenda vendit, jo më të konkurrojë tregun rajonal, si Kosova. Ndryshimi do të vijë jo vetëm për ju, por për të gjithë shqiptarët, pasi Shqipëria e ka të domosdoshëm ndryshimin ekonomik dhe politik”, u shpreh drejtuesi politik i Partisë Demokratike, Tomor Alizoti nga Berati.
