Ditën e sotme në gjykatë po zhvillohet seanca e radhës për dosjen “Babale”.
I pandehuri Fredi Alizoti, i cili akuzohet se ka imituar zërin e Agron Xhafajt në audiopërgjimin fillestar ka dhënë dëshminë e tij të radhës.
Alizoti është shprehur se për zërin e Agronit, ish-deputeti demokrat, Ervin Salianji, do t’i jepte 200 mijë euro, shkruan “Shqiptarja.com”.
Më tej ai shtoi se e bëri kalllëzimin, pasi nuk iu dha shuma e parave të premtuara.
I pandehuri tha se gjatë kohës që priste të merrte lekët, ka qëndruar te ish-bodigardi i Sali Berishës, Sali Lushaj.
Ai vijoi më tej duke treguar planin, sesi shuma do të ndahej mes tij dhe Albert Veliut, ndërsa këtij të fundit i ishte premtuar edhe azil politik.
Gjykata: Sa ishte shuma që iu premtua për atë veprimin, dhe për çfarë?
Fredi Alizoti: 200 mijë euro për regjistrimin që do të bëhej. Unë kam bërë aty zërin e Agronit, lekët do të mi jepte Ervin Salianji. Mua nuk mu dha shuma dhe prandaj kam bërë kallëzim penal. Regjistrimin e dërguam tek zyrat e PD te Ervin Salianji, do e përdorte për qëllime politike për të goditur Xhafajn.
Gjykata: Biseduat nëse do i merrnit lekët?
Fredi Alizoti: Po por unë nuk i mora. Në atë kohë kam ndenjur te Sali Lusha për lekët. Na thonin jo sot jo nesër. E kanë veshur me mjekër e paruke Albert Veliun. Për ta dërguar në Kosovë, më ka thënë kamarieri të PD-ja. Unë do merrja 100 mjë euro. Se paratë do ndaheshin. Mu dukën shumë dhe thash hajd se po e bëj. Albert veliu ka numrat e gjysmave të biznesmeneve ne tiranë.
Avokati Ledio Braho: Kur e ndatë mes jush që të bënit regjistrimin?
Fredi Alizoti: Në janar dhe do merrja 100 mijë unë dhe Albert Veliu. Përveç vleres monetare Albert Veliu kishte edhe përfitimin për azil politik. Mendoj se ai i ka marrë shumën e parave që u ra dakord. Më mbajti në ajër. Mori vet azil dhe iku e mua më la në ajër. Albert Veliu nuk ka qenë korrekt me mua.
Gabimi im më i madh dhe faji im ështs qs nuk e regjistrova dhe ta shihnit qs çfarë më ka thënë. Se do imitoja zërin e Agron Xhafës e ka ditur vetëm një shoku im nga Elbasani. Nuk ia kam idenë fare për çfarë ka thënë Rama jam me tetë klasë shkollë. Te PD jam takuar me Ervin Salianjin dhe Gazment Bardhin. Kanë qenë edhe disa persona të tjerë.
