Kandidati i PD për deputet ka folur pas humbjes së zgjedhjeve të 25 prillit. Në një intervistë për Neës 24 Alibeaj ka thënë se përballë PD-së ishte krimi që lëviztë lirshëm në vend. Ai ka dalë kundër dorëheqjes së Bashës duke thënë se nuk mendon se duhet ndërruar lidershipi. Sipas Alibeajt, është Basha ai që do ta shemb regjimin pavarësisht kritikave që mund të ketë.
“Përballë nesh ishte krimi që livadhiste lirshëm në vend. Nuk mendoje se duhet ndërruar lidershipi. Ç’lidhje ka kjo? Ku ishin deri dje ata që dolën sot dhe kërkuan këtë gjë? Çfarë bënë? Ishte një administratë përpara, e dini ju çfarë do të thotë administrate e të gjitha bashkive që nën kërcënimin mos hmbasin vendin e punës, duhet të siguronin votat. Ai maturanti që ka frikën e shkollës. Është Lulzim Basha ai që do ta shembë regjimin, pavarësisht kritikave që mund të ketë. 6% e votave dolën të pavlefshme dhe lëvizin vetëm 6 apo 7 deputetë. Ato mund të përmbysin rezultatin, me gjithë këto shkelje që janë raportuar edhe pse është deklaruar tashmë rezultati. Gjithçka mund të ndryshojë. Ky është vetëm fillimi i betejës. Basha mori 622 mijë vota në një situatë më të padrejtë. Situate nuk do të jetë e qetë”, tha Alibeaj.
