Kreu i Lëvizjes Vetvendosje, Albin Kurti ka mohuar mundësitë për të bërë koalicione me ndonjë parti pas zgjedhjeve të 14 shkurtit në Kosovë. Nga Shtima ku ka qenë për takimin e radhës ai ka thën se LVV i ka bërë koalicionet para zgjedhjeve dhe ky koalicion është me Vjosa Osmanin. Kurti ka premtuar se ai dhe Osmani nuk do të qeverisin për t’u pasuaruar, por do të pasurojnë biznesin. Lideri i VV ka thënë se ai si kryeministër dhe Vjosa Osmani si preidente nuk do të zmbrapsen para asnjë krimineli në drejtimin e vendit.
Fjala e Kurtit:
“Numri 127 është numri i fitores, por kësaj radhe fitorja nuk është vetëm të dalim të parët se dihet që dalim ne të parët se nuk ka kush del i pari. Fitorja është 61 deputetë e më shumë, na duhet shumicë parlamentare se nuk do të bëjmë koalicione pas zgjedhjeve, ato i kemi bërë para zgjedhjeve, Vjosa Osmani dhe unë. Nuk do të qeverisim për të ju sunduar, nuk do të qeverisim për t’u pasuruar, edhe zonja Osmani edhe unë do të mbetemi siç jemi klasë e mesme, për t’u pasuruar është biznesi.
Ne zotohemi para jush se në drejtimin e ardhshëm të shtetit, zonja Vjosa si presidente e unë si kryeministër nuk do të zmbrapsemi para asnjë krimineli të fuqishëm në Kosovë por çdo kriminel, sado i fuqishëm, do të zmbrapset para drejtësisë së shtetit dhe fuqisë së ligjit”, tha ai.
