Policia ka rrethuar zonën e Brrylit në Tiranë, pasi në rrugën “Martin Camaj” është u gjet një send i dyshimtë në formën e një radioje.
Sendi është gjetur në tokë, në pjesën e përparme të një pallati, dhe fillimisht u dyshua se ka rënë nga ndonjë makinë ku mund të jetë vendosur.
Policia vendosi një perimetër sigurie dhe nisi direkt hetimet.
“Më datë 05.11.2021, në rrugën “Martin Camaj”, në trotuar, është gjetur një send i dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve. Shërbimet e Policisë të Komisariatit Nr.4 kanë vendosur perimetrin e sigurisë në zonën ku ndodhet sendi i dyshimtë dhe priten të mbërrijnë në vendngjarje ekspertët antieksploziv të RENEA-s”, sipas policisë.
Por sendi i dyshimtë që u gjet në Rrugën “Martin Camaj” në Tiranë ishte një GPS, model i vjetër.
Ndërkohë policia ka bërë një njoftim të dytë, ku tregon se çfarë ishte në të vërtetë sendi i dyshimtë.
NJOFTIMI ZYRTAR
“Në vijim të informacionit paraprak të dhënë pak më parë në lidhje me sendin e dyshimtë në dukje si radio, që përdoret nga shoqëritë private të ruajtjes dhe sigurimit fizik të objekteve, i cili u konstatua në trotuar, në rrugën “Martin Canaj”, ju bëjmë me dije se: Pas mbërritjes së grupit të ekspertëve antieksploziv të RENEA-s dhe bërjes së ekspertizës nga ana e tyre rezultoi se sendi i konstatuar është GPS lokalizues.
