Situata mes SHBA dhe Iranit po shkon drejt përkeqësimit.
Vrasja e gjeneralit iranian, Qasem Soleimani, mund të shkaktojë përfshirjen e dy vendeve në një konfrontim të drejtpërdrejtë ushtarak.
Dhjetëra mijëra iranianë kanë protestuar në rrugë, madje edhe kanë djegur flamurin amerikan.
Kështu, Departamenti Amerikan i Shteti ka bërë thirrje urgjente shtetasve amerikan që janë të vendosur apo gjenden në Irak dhe rajon që të ikin menjëherë nga ky shtet.
“Për shkak të tensioneve të ngritura në Irak dhe rajon, ne u bëjmë thirrje qytetarëve amerikanë që të largohen menjëherë nga Iraku. Për shkak të sulmeve të milicisë të mbështetur nga Irani në kompleksin e ambasadës amerikane, të gjitha operacionet konsullore janë pezulluar. Qytetarët e Sh.B.A nuk duhet të afrohen pranë Ambasadës. Qytetarët e SHBA në Irak ose të shqetësuar për të dashurit në Irak mund të kontaktojnë Departamentin e Shtetit në 202-501-4444 ose pa pagesë në Sh.B.A në 888-407-4747. Shmangni Ambasadën e Sh.B.A në Baghdad. Monitoroni median lokale dhe ndërkombëtare për azhornime”, shkruan në njoftimin e tij Departamenti Amerikan i Shtetit.
Ngjarjet e ditës së sotme kanë shqetësuar të gjithë rajonin.
Nuk dihet ende se si do reagojë Irani në vijim.
