Disa ditë më parë një 37-vjeçar nga Korça u arrestua pas kallëzimit të vajzës së tij 18-vjeçare.
Kjo e fundit e akuzoi në polici të atin për ngacmim seksual, ndërkohë që për të vërtetuar fjalët e saj dorëzoi edhe një video, ku bisedonte me babain e vet.
Kjo histori tronditi opinionin publik shqiptar, pasi në video 37-vjeçari Rudolf Merolli i kërkonte vajzës së vet të kryenin marrëdhënie dhe se nuk i komandonte dot ndjenjat për të pavarësisht se e kishte vajzë.
Ditën e sotme, në një lidhje për emisionin “Me Zemër të Hapur”, 18-vjeçarja ka dhënë një dëshmi tronditëse.
Ajo tha se i ati nuk e ka dashur që fëmijë dhe se e kishte çuar në jetimore padijeninë e së ëmës, ku kishte ndenjur për 6 muaj.
18-vjeçarja thotë se i ati kishte filluar të konsumonte hashash, gjë të cilën kishte insistuar ta konsumonte edhe ajo. Pasi kishin fikur dritat për të fjetur, i ati filloi të fliste përçart.
“Jetoj te gjyshja. Babai nuk donte të largohesha, por ai vazhdonte po njësoj, nuk ndryshonte.
Nuk kemi patur shume lidhje telefonike me babain. Gjithmonë kur flisnim thoshte “ju doni të bëni sipas qejfit”.
Unë nuk flisja me të se më ka thënë shumë fjalë jo të pëlqyera. Më ofendonte, thoshte do bëhesh e rrugëve, do bëhesh si mami.
Mami dhe babai janë njohur se mami ka pasur shoqe hallën time dhe nga ajo janë njohur, por ata nuk kanë pasur asnjëherë raport të mirë me njëri-tjetrin, nuk përshtateshin.
Mami e ka duruar babain për ne, se nuk ka dashur të rriteshim pa baba. Im atë, pa dijeninë e mamit më ka çuar në jetimore kur kam qenë e vogël. Atje qëndrova 6 muaj.
Mami pastaj nuk kishte çfarë të bënte. Më çoi në jetimore sepse nuk më duronte dot kur qaja, nuk më ka dashur që e vogël. Më ka goditur që kur isha e sapolindur.
Babai konsumonte prej kohësh hashash.
Ai ma afroi edhe mua, e bënte në bidon dhe këmbëngule që unë ta pija. E konsumonte prej shumë vitesh hashashin”, është shprehur 18-vjeçarja.
