Një ngjarje e rëndë ka ndodhur në Greqi.
Një fëmijë shqiptar 12-vjeçar ka rënë pre e dhunës së babait të një shokut të tij të klasës.
Ngjarja ka ndodhur në Peristeri.
Pamjet e filmuara kanë ngjallur zemëratë duke rikthyer akuzat për sulm me përmbajtje raciste duke qenë se fëmija është shqiptar.
Kanë qenë meiat greke ato që kanë publikuar pamjet, në të cilat shihet fëmija i shtrirë që dhunohet nga babai i shokut të klasës.
Djali tregon se ai ka qenë thjesht duke shëtitur me biçikletë në momentin kur është sulmuar nga moshatari i tij dhe babai.
Familja e të miturit shqiptar pretendon se bëhet fjalë për një sulm racist, ndaj edhe kanë kërkuar që shtetasi grek të vihet para drejtësisë.
“Babai i shokut të klasës më kapi prej flokësh dhe më goditi në kokë.
Ai më mallkon për vendin tim dhe babai i tij dikur më bërtiti sepse ne kemi pasur përsëri një zënkë dhe këtë herë ai më kapi për flokësh”, kështu është shprehur në dëshminë e tij 12-vjeçari shqiptar.
Ky i fundit ka lindur në Greqi, ku prindërit e tij vijnë nga Shqipëria.
Ata kanë 30 vjet që jetojnë në shtetin grek.
Pas sulmit fëmija u dërgua në spital ku dhe u gjet se kishte pësuar frakturë në qafë.
Prindërit e shqetësuar kanë menduar të ndërrojnë shkollën për djalin e tyre pasi vuan shpesh nga probleme të natyrës raciste.
