Gjykata e Lartë ka refuzuar lirimin e ish-kryebashkiakut Fatos Tushe. Ish-kryebashkiaku i Lushnjes Fatos Tushe bëri rekurs në Gjykatën e Lartë për të fituar lirinë.
Tushe ka kërkuar serish ditën e sotme lirinë, me pretendimin se vuan nga disa sëmundje, si zemra, diabeti, gurët në tëmth dhe kolesteroli i lartë, por kërkesa u hodh poshtë nga Apeli i GJKKO.
Pas seancës maratonë, të nisur që në orët e para të mëngjesit të ditës së sotme, GJKKO vendosi të lërë në burg Tushen së bashku me zyrtarët e tjerë të arrestuar në Bashkinë e Lushnjes.
Gjatë dëshmisë që dha para “togave të zeza”, ish-kryebashkiaku deklaroi se nuk ka pasur përgjegjësi për tenderin. Gjithashtu kryebashkiaku është shprehur se e njeh Ibrahim Lamin, por mohoi që ky i fundit të ketë lidhje me tenderin.
“Nuk kam pasur asnjë autoritet mbi tenderin, nuk kam qenë kryetar dhe ent prokurues ka qenë drejtoria e punëve publike, s’ka qenë bashkia e Lushnjës” ka deklaruar Tushe raporton “Neës24”.
Ndër të tjera kryebashkiaku ka thënë se s’ka asnjë lidhje me veprimet që bien ndesh ,e detyrën.
“S’kam asnjë lidhje me veprime që bien ndesh me detyrën“, tha Tushe.
Sjellim në vëmendje se Fatos Tushe është arrestuar me urdhër të Prokurorisë së Posaçme (SPAK) bashkë me 10 persona të tjerë vartës të tij dhe biznesmenë. Pak ditë më parë Tushe u drejtua në Apel me një tjetër kërkesë për masë më të butë sigurie, pasi pretendon se për të nuk ka prova që e implikojnë atë në abuzimin me tenderin për 240 milion lekësh, për rehabilitimin e kanalit vaditëse.
