Ditën e sotme është dhënë vendimi nga Gjykata e Tiranës , e cila ka liruar nga qelia dy ish-vartësit e ish-kreut të RTSH-së, Thoma Gëllçit. Më saktë bëhet fjalë për Ervin Murja e Julian Tapia të cilët bashkë me Gëllçin ishin të akuzuar nga prokuroria për shkelje të barazisë në tendera dhe shpërdorim detyre. Ata u arrestuan në lidhje me një tender me vlerë 87 milionë lekë për ndërtimin e RTSH Agro. Vendimi është marrë nga gjyqtari Erjon Çela, pas kërkesës së dy ish-anëtarëve të komisionit të vlerësimit të ofertave për shuarje të masës së sigurisë.
Ish-drejtori i RTSH-së u arrestua më datë 8 tetor teksa Gjykata e Posaçme e la në burg më 11 tetor ashtu si tre ish-vartësit e tij, anëtarë të komisionit të ofertave Ervin Muraj, Julian Tapia, Alban Malaveci të akuzuar për abuzim me tenderat.
Gjykata e Posaçme kundër Krimit dhe Korrupsionit e ka dënuar me dy vite burg ish-drejtorin e RTSH. Kujtojmë që për këtë të fundit , SPAK kërkoi dënimin e tij 1.8 vite burg, ndërsa për dy të pandehurit e tjerë SPAK kërkoi dënimin e 1 vit burg. Gëllçi ka përfituar nga gjykimi i shkurtuar, duke iu ulur kështu dënimi në 1 vit e 4 muaj, por si dënim plotësues, Gjykata e Posaçme i hoqi atij dhe tre vartësve të tij të drejtën për të mos ushtruar funksione publike për 5 vite.
