Pas ndryshimit të masës së sigurisë për Ardian Docajt, Gjykata e Possaçme ka liruar nga burgu edhe dy të akuzuar të tjerë për çështjen e Jan Prengës. Balkan Ëeb raporton se ditën e sotme është ndryshuar masa e sigurisë edhe për Leonard Hajrin. Ai është liruar nga “arresti me burg” duke marrë vetëm masën e sigurisë “Detyrim paraqitje”. Akuza që rëndon mbi të është për rrëmbimin dhe torturimin deri në vdekje të Jan Prengës.
Gjykata ka ndryshuar masën e sigurisë edhe për një tjetër të dyshuar, Olsi Turja i cili nga “arresti me burg” është dërguar në ‘arrest shtëpie’. Pak ditë më parë u lirua edhe Ardian Docaj duke u lënë vetëm me masën “detyrim paraqitje” dhe në pranverë të 2020 u lirua edhe Bajram Hajri.
Këta janë të gjithë persona të dyshuar dhe të akuzuar për përfshirje në torturimin deri në vdekje dhe rrëmbimin e Jan Prengës. Të vetmit që kanë mbetur në burg për momentin janë kopshtari Festim Bexhdili, ndërsa në kërkim janë Altin Hajri e Gentian Docaj.
Jan Prenga u rrëmbye vitin e kaluar në Kamëz dhe dyshohet se rrëmbimi dhe vrasja e tij është kryer për shkak të pazarave të drogës të lidhura më vëllain e tij.
