Dy nga kolegët demokratë të guvernatorit të shtetit Neë York Andrew Cuomo i kanë bërë atij thirrje të heqë dorë nga detyra pas akuzave se ai ka ngacmuar seksualisht disa gra.
Akuzuesit e tij, përfshirë disa nga ndihmëset e tij femra, kanë thënë se ai u soll në një mënyrë sugjeruese seksuale dhe bëri vërejtje të ngjashme të tilla. Një grua tha se 63-vjeçari e kishte pyetur atë nëse do të bënte ndonjëherë seks me një burrë të moshuar, ndërsa një tjetër tha se ai e kishte puthur një herë pa pëlqimin e saj.
Dy senatorët e shtetit, Chuck Schumer dhe Kirsten Gillibrand, të dy demokratë, janë bashkuar me ata që e kërkojnë atë të tërhiqet “për shkak të akuzave të shumta, të besueshme të ngacmimit seksual dhe sjelljes së keqe”
“Guvernatori Cuomo ka humbur besimin e partnerëve të tij qeverisës dhe njerëzve të Nju Jorkut. Guvernatori Cuomo duhet të japë dorëheqjen,” thanë ata në një deklaratë.
Vërejtjet nga Z. Schumer, Drejtuesi i Shumicës së Senatit dhe Znj. Gillibrand, një senatore që nga viti 2009, do të dëmtojë shanset e Cuomo për të dalë nga stuhia.
Ata i bëjnë jehonë atyre të një tjetër kongresisteje të njohur demokrate, progresistes të Neë York-ut, Alexandria Ocasio-Cortez. Ajo tha “ne i besojmë këto gra” dhe shprehu shqetësimin për sigurinë dhe mirëqenien e stafit të guvernatorit në një deklaratë të përbashkët të botuar me kongresmenin e New York-ut Jamaal Bowman.
Më shumë se gjysma e 27 përfaqësuesve të zgjedhur të shtetit kanë bërë thirrje që guvernatori të largohet.
Sky News
