Kreu i Këshillit të Emërimeve në Drejtësi është thirrur në Prokurori, për të dhënë dëshminë e tij, në lidhje me padinë që presidenti Ilir Meta ngriti ndaj tij.
Kreu i Shtetit e akuzon Dvoranin për “Shpërdorim detyre” dhe “Përvetësim kompetencash”.
Ditën e djeshme dha dëshminë edhe presidenti, në cilësinë e kallëzuesit.
Bazuar në dëshminë e Metës janë thirrur për të dëshmuar edhe anëtarët e KED.
Pritet që përpara organit të akuzës të dëshmojnë Vitore Tusha, Margarita Buhali, Medi Bici, Gurali Braimllari, Arta Marku, Fatri Islamaj, Eriol Roshi, Klodiana Veizi (Mema) dhe Fatjona Memçaj.
Përplasja mes Metës dhe Dvoranit, nisi për plotësimin e vakancave në Gjykatën Kushtetuese.
Për të njëjtin pozicion kishte dy kandidate, Arta Vorpsi dhe e përzgjedhura e Metës, Marsida Xhaferllari.
Kreu i Shtetit gjithashtu e quajti Dvoranin mafioz dhe ushtar të partisë.
