Mësohet se pas marrjes në pyetje të kryebashkiakut të Gramshit, Prokuroria e Elbasanit ka marrë në pyetje edhe 3 kryebashkiakë të tjerë të Partisë Socialiste.
Mësohet se në ambientet e prokurorisë së Elbasanit kanë qënë të pranishëm, kryebashkiaku i Peqinit Lorenc Tosku, i Belshit, Arif Tafani dhe kreu i bashkisë së Librazhdit, Kastriot Gurra, të cilët akuzohen për shpërdorim detyre.
Kryebashkiaku i Peqinit është marrë në pyetje pasi akuzohet se makinën e bujqësisë e ka përdorur për nevoja të veta private.
Ndërkohë kreu i Bashkisë së Belshit, Arif Tafani, është marrë në pyetje nga Prokuroria në kuadër të hetimeve për investimet e kryera në pedonalen e qytetit të Belshit.
Po ashtu edhe kryebashkiaku i Librazhdit, Kastriot Gurra, është marrë në në pyetje pasi ndaj tij ka një këllëzim penal për prishjen në mënyrë të paligjshme të një prone private.
Këto paraqitje në prokurori vijnë pas asaj të kreut të bashkisë së Gramshit Klodian Taçe. Taçe është marrë në pyetje nga dy hetues në lidhje me një hetim që ka nisur mbi dyshimet rreth procedurave abuzive dhe dyshimeve për korrupsion në prokurimet e tenderave të dhëna nga institucioni që ai drejton.
Gjitashtu përveç kryebashkiakëve, në pyetje janë marrur nga prokuroria edhe dhe zyrtarë të tjerë të Bashkive lidhur me tenderat që kanë dhënë Bashkitë nën drejtimin e këtyre drejtuesve./GazetaReforma.com/
