Greqia “mund të bëjë më shumë” për të hetuar pretendimet se po shtyn azilkërkuesit, përfshirë fëmijët, përsëri në Turqi, tha të hënën zyrtari më i lartë i migracionit i Bashkimit Evropian.
Agjencia e Kombeve të Bashkuara për Refugjatët UNHCR ka thënë se ka marrë një numër në rritje raportesh në muajt e fundit që sugjerojnë se azilkërkuesit mund të jenë shtyrë përsëri në Turqi në det ose menjëherë pasi të kishin arritur në tokën Greke, ose të kishin mbetur në det. Zyrtarët grekë gjithmonë kanë hedhur poshtë raportet.
“Unë jam shumë i shqetësuar për raportin e UNHCR dhe ka disa raste specifike që unë mendoj se duhet të shqyrtohen më afër,” tha Ylva Johansson, komisioneri i punëve të brendshme të BE, gjatë një vizite në ishullin e Lesbos.
“Unë mendoj se autoritetet greke mund të bëjnë më shumë kur bëhet fjalë për të hetuar këto shtytje të pretenduara.”
Ministri grek Notis Mitarachi, duke folur në një konferencë shtypi me Johansson, tha se Greqia i përmbahej ligjit europian dhe ndërkombëtar.
“Ne e mohojmë me forcë që roja bregdetare greke të ketë qenë ndonjëherë e përfshirë në kthime prapa”, tha ai. “Ne e kuptojmë se po shkaktojmë një humbje prej dhjetëra miliona eurosh në rrjetet e kontrabandës dhe kjo mund të ketë luajtur një rol në llojin e lajmeve të rreme që dëgjojmë për rojet bregdetare greke,” tha ai.
Mitarachi tha se hetimet e pavarura, përfshirë gjyqësorin grek dhe agjensinë kufitare të BE-së Frontex, nuk kishin gjetur shkelje. Në 2015 Greqia, dhe Lesbos në veçanti, ishte në vijën e frontit të krizës së refugjatëve në Evropë me gati një milion njerëz, kryesisht sirianë që ikën nga lufta, duke mbërritur me anije nga Turqia. Numrat janë ulur në mënyrë dramatike që kur BE arriti një marrëveshje me Ankaranë një vit më vonë dhe pak më shumë se 16,000 njerëz mbërritën në Greqi vitin e kaluar, sipas të dhënave të KB.
Mitarachi tha se rreth 14,000 migrantë ishin aktualisht në kampe në pesë ishuj, nga rreth 42,000 në 2019. Rreth 58,000 ishin në kampe në të gjithë Greqinë, nga 92,000 në 2019.
