Aktorët e Teatrit Kombëtar kanë dalë me një reagim të përbashkët lidhur me skandalin e zbuluar në emisionin investigativ “Piranjat”, ku u akuzua drejtori Altin Basha për shpërdorim të buxhetit të teatrit.
Në një postim në Facebook, aktorët shprehen se janë bërë dëshmitarë të një investigimi që tregon se si fondet publike janë shpërdorur dhe zhdukur, duke theksuar se panë me sy sesi Ministria e Kulturës investon për të mbështetur Teatrin, por fondet humbasin rrugës.
Ata kërkojnë që fondet të kthehen dhe që përgjegjësit të mbajnë barrën e përgjegjësisë për këtë keqadministrim. Reagimi i aktorëve thekson nevojën për transparencë dhe përgjegjësi në menaxhimin e fondeve publike.
Reagim Publik i aktorëve të Teatrit Kombëtar:
Këto ditë u bëmë deshmitarë të nje investigimi të emisionit “Piranja” për shpërdorimin e buxhetit të Teatrit Kombëtar. Pamë me zë dhe figurë sesi fondet publike zhduken. Sesi Ministria e Kulturës investon me dëshirën për të mbështetur Teatrin, por fondet gllabërohen rrugës. Buxheti i Teatrit po ikën në drejtim të ditur tashmë, por ai drejtim nuk është Teatri.
Janë ca fatura fake qepur ne xhepa personale! Janë ca grimiere fantazëm… Janë ca ekspert të audio-vizuale fantazëm! Ne aktorët e Teatrit, jemi dëshmitarë të zhvillimeve dhe deklarojmë me përgjegjësi se z. Vis Saliasi i paguar disa milionë lekë nga Drejtori Basha, nuk ka qenë prezent dhe nuk ka kryer *asnjë* funksion në shfaqjen Vojçek.
Deklarojmë me përgjegjësi se: znj Shuta në shfaqjen Voiçek paguar disa milionë lekë nga Drejtori Basha, nuk ka qenë asnje moment present dhe nuk ka kryer asnjë funksion në shfaqjen Voiçek. Nuk ka grimuar asnjë aktor ajo te shfaqja Voiçek. Deklarojme me përgjegjësi se z. Musa është personi ku ne jemi paraqitur për qepjen e kostumeve.
Ndoqëm me shqetesim se ai jepte gjate emisionit “Piranja” shifra shumë herë më të ulëta se ato të ofruara nga kostumografja qe eshte bashkeshorte e drejtorit te Teatrit Kombëtar. Përgjegjësit të marrin përgjegjësinë e tyre! MBROJE TEATRIN SOT
Në investigimin e Piranjave faktohet se Altin Basha si drejtor i Teatrit Kombëtar dhe bashkëshortja e tij, Iliriana Basha, kanë abuzuar me fondet që ka ky institucion. “Piranjat” faktuan se Altin Basha si drejtor i Teatrit Kombëtar dhe bashkëshortja e tij, Iliriana Basha, kanë abuzuar me fondet që ka ky institucion. Ndërkaq në një përballje me “Piranjat” Altin Basha nuk dha thuajse asnjë përgjigje, duke kërkuar takim zyrtar tek Teatri Kombëtar. Ndërsa bashkëshortja e tij Iliriana Basha nuk pranoi të ketë përfituar nga fondet e kostumeve për shfaqjen “Vojçek”.
