Përmes një postimi në Instagram, këngëtarja e dashur për publikun Aurela Gaçe i ka bërë një dedikim mjaft të veçantë motrës së vogël, Blerta Gaçe.
Kjo e fundit njihet si këngëtare në Shqipëri, madje ka performuar edhe në “Kënga Magjike” dhe i mungon prej kohësh skenës shqiptare!
Siç shumica mund ta dinë, Blerta ka eksperimentuar në disa fusha të artit dhe deri diku mund ta quajmë një artiste shumëdimensionale dhe Aurela tani zbuloi që ajo po vijon suksesshëm karrierën.
Aurela rrëfen në postimin e saj se ëndrra më e madhe e të motrës ka qenë që të aktrojë në teatër e si duket e realizoi atë!
Kjo për këngëtaren është një gëzim i madh dhe ndihet shumë krenare!
Ajo mandej pohon se do donte të ishte pranë saj për ta mbështetur dhe për të ndjekur nga afër pasionin më të madh të motrës.
Ja postimi i plotë i Aurelës: “Blerta, edhe një herë, motra nuk ishte në sallë të ndiqte nga afër një tjetër rol tëndin në teatër. Doja të isha jo thjeshtë për mbështetjen që jep familja, por për të ndjerë e prekur pasionin tënd më të madh, Teatrin. Jam shumë krenare për ty motra ime….je e vetme mes New York-ut dhe lufta jote, këmbëngulja, puna jote, të përballuarit të jetës, jo të lehtë në emigrim, mua më bën të jem një motër krenare! Ishe shumë e vogël kur më tregoje se ëndrra jote ishte të aktroje në Teatër dhe të të shoh duke e bërë, unë gëzoj njësoj si të jem duke realizuar ëndrrat e mija. Të do motra shumë!” /Iconstyle.al/
