Zoran Angjelkoviç, zyrtari i Partisë Socialiste së Serbisë (SPS), i ka bërë thirrje të gjithë serbëve të Kosovës që të dëshmojnë masivisht kundër Ushtrisë Çlirimtare të Kosovës (UÇK).
Angjelkoviç ka deklaruar se të gjithë familjet serbe që jetojnë në komunat me shumicë serbe në Kosovës, nga Shterpca, Çagllavica, Kamenica, Fushë-Kosova, Bellaçevci etj, të dëshmojnë të gjithë kundër UÇK-së, gjatë Luftës së Kosovës 1998-1999.
Në një intervistë për emisionin “Novo Jutro”, Angjelkoviç është shprehur se të gjithë ato që kanë dëshirë të jenë dëshmitare në lidhje me aktakuzat për ish udhëheqësit e UÇK le të shkruajnë një të tillë dhe ta dorëzojnë pranë Qendrës për Paqe dhe Tolerancë.
“I ftoj krejt familjet, minatorët nga Bellaçevci, miqtë dhe familjarët e tyre që të shkruajnë nga një deklaratë. Nëse nuk dëshirojnë t’ia japin organeve të rendit le t’ia japin Qendrës për Paqe dhe Tolerancë (OJQ serbe në Kosovë) dhe ne do të gjejmë mënyrë t’ia dërgojmë Prokurorisë Speciale. Le t’i dorëzojnë deklaratat ose organeve tona ose Qendrës për Paqe dhe Tolerancë dhe ne merremi me ato”, ka deklaruar zyrtari i partisë serbe SPS./GazetaReforma.com/
