Inspektoriati Kombëtar i Mbrojtjes së Territorit ka nisur sot një aksion në Radhimë për prishjen e disa objekte pa leje.
Prishja e tyre i hap rrugë ndërtimit të projektit “Lungomare 2”.
“Balkanweb” raporton se punonjësit e IKMT hasën në rezistencën e pronarëve të disa prej subjekteve.
Këto të fundit, përpara se t’u prishen bizneset, kërkuan që të njihen më parë me projektin.
Ky aksion ka nisur që në fillim të shtatorit, duke filluar nga zona e Ujit të Ftohtë.
Deri në fund, parashikohet që të shemben 60 objekte deri në Orikum, të cilat janë vendosur në afërsi të bregut të detit.
