Ditët e fundit forcat RENEA kanë nisur aksione në disa qytete të vendit për të bërë të mundur kapjen e personave që dyshohet se posedojnë armë apo lëndë narkotike, ose janë të përfshirë në vrasje që kanë ndodhur më parë në vend.
Lidhur me këto aksione ka folur edhe gazetari Artan Hoxha i ftuar në emisionin “Radari informativ”. Ai tregoi detaje të operacioneve duke thënë se RENEA ka hyrë në ambientet ku ka kontrolluar pas njoftuar policinë lokale, pasi janë zona ku këta të fundit nuk gxojnë të hyjnë.
Hoxha tha se kjo ndërhyrje ishte edhe një mesazh për kriminelët që mos të dalin haptazi në qytet. Gazetari tha se “bossët” nuk luftojnë më me policinë në mes të qytetit, por paguajnë avokatë e prokurorë dhe kanë pajtuar studiot më të mira ligjore.ë
“Si do arrestoheshin autorë të ngjarjeve kriminale ku prokurori nuk ka lëshuar urdhër arresti. RENEA doli dhe ka hyrë në Kiras dhe Dobrac që nuk hyn dot policia e Shkodrës. RENEA hyri pa e njoftuar policinë lokale. Janë çuditur që kanë parë dy furgonë. Kanë hyrë në Fier që nuk guxon policia aty. Kanë hyrë te Oslo në Vlorë që policia nuk vepron. Ky është lokali i Edison Begos. Në këtë tavolinë është ndërhyrë për këta persona. Është ndërhyrë në këtë lokal se RENEA kishte informacion se në këtë lokal rrinë persona të skeduar nga policia. U gjetën njerëzit e armatosur dhe pastaj u njoftua policia lokale. Në Durrës u kap një person i shpallur në kërkim. Ata kanë hyrë vetëm në lokale ku rrinë persona të botës së krimit. Kjo ndërhyrje është bërë edhe për të dhënë një mesazh për kriminelët që të mos dalin haptas në qytet. Keni parë ndonjë boss ju që të dalë dhe të luftojë me policinë.
Bossët e krimit nuk luftojnë, ngrenë duart lart dhe shkojnë paguajnë prokurorin dhe gjyqtarin. Ata që janë shqetësuar për këtë punë duhet t’i bëjnë presion prokurorit. Nuk është bërë nga ata që e dinë por nga ata që kanë mungesë informacioni. Kur ndërhyn FSK në Kosovë. Apo në Amerikë të thotë ai mos bëj asnjë lëvizje se të fut plumbin. Kur hyhet në një lokal me elementë të krimit. Kjo synohet që njerëzit të mos shkojnë atje. RENEA u ka bërë të qartë qytetarëve që këto lokale janë vende ku qëndrojnë personazhe të krimit.
Shteti shqiptar nuk ka një repart zhytësash. Kush do kërkonte, komisariati apo prokurori. Tani RENEA duhet të pajisjet edhe me detonatorë që të kërkojë në ujë. Ne duhet të ankohemi që RENEA të mos kërkojë me dorë por të ketë një detektor. RENEA duhet të ketë një angazhim më të shumtë në luftën kundër krimit. RENEA ka grupin e zhytjes. Këto lloj operacionesh si ai që është bërë në Nikël. Këto kanë brenda demonstrim forcash. Nëse në Vlorë një personi i bëjnë atentat dhe del prapë në Lungomare është demonstrim force dhe shteti kundërpërgjigjet me operacion. Kanë qenë gjithsej 36 policë. Sigurisht që krimi i organizuar nuk luftohet me fushatë por me hetime disa vjeçare. Kur prokurori nuk i bën hetimet dhe gjykata i liron, ai polici ka zero kurajo për ta kapur atë në mes të qytetit. Kujt polici në Shkodër ia mban të hyjë në Kiras? Duhet urdhri i prokurorit. Sot grupet kriminale kanë studiot më të mira ligjore. Të gjitha lokalet kanë qenë në pronësi të personave të botës së krimit ose atje ku ushtrojnë aktivitetin e tyre personat e botës së krimit”, tha Hoxha.
