Ramazan Rraja, nipi i deputetit të Partisë Socialiste, Rahman Rraja është ndaluar nga forcat e policisë gjatë një aksioni policor teksa po lëvizte me një makinë të blinduar. Mësohet se ai është arrestuar në zonën e Qafë-Kasharit dhe është shoqëruar pranë drejtorisë vendore. Nuk ka ende një informacion të qartë se përse ka ndodhur ky ndalim dhe shoqërim i Rrajës, por dyshohet se është bërë për verifikim dokumentacioni. Sipas burimeve mësohet se aktualisht Ramazan Rraja po merret në pyetje nga policia.
Po kush është Ramazan Rraja?
Ramazan Rraja është një emër njohur për policinë pasi rezulton i akuzuar më parë për disa vepra penale. Rraja dyshohet si i përfshirë në trafik droge, si dhe i përfshirë në disa ngjarje kiminale në vend ku mund të përmendim atentatin ndaj prokurorit të Durrësit Arjan Ndoja si dhe së fundmi dyshohet si i përfshirë në masakrën e Fushë-Krujës ku mbeti i vrarë Brilant Martinaj, së bashku me miqtë e tij Diklen Vata dhe Besmir Hoxha. Për akuzat në fjalë, Rraja tha asokohe se sulmohej pasi ishte nip i deputetit të PS, duke mohuar kategorikisht se kishte lidhje me ngjarjen. \
Mësohet se së bashku me Rexhepin është ndaluar edhe kushëriri i tij Ramazan Rraja, nipi i deputetit socialist.
Sipas informacioneve paraprake, të dy janë ndaluar gjatë një aksioni për kontrollin e makinave të blinduara. Gjatë këtij aksioni janë identifikuar tre makina të blinduara, ndër to një Audi dhe një Mercedes që drejtohej nga Ramazan Rraja.
