Policia e Fierit ka arrestuar një 28-vjeçar cili përplasi për vdekje mbrëmjen e djeshme një 24-vjeçar.
Mësohet se ngjarja ndodhi në fshtati Qenas ku u aksidentua për vdekje shtetasi me iniciale Q.M 24-vjeç nga drejtuesi i mjetit “Fiat Punto”, shtetasi me iniciale K.M 28-vjeç.
Mbi 28-vjeçarin rëndojnë veprat penale “Shkelje e rregullave të qarkullimit rrugor” dhe “Largim nga vendi i aksidentit”.
Njoftimi i Policisë:
Specialistët e Sektorit të Qarkullimit Rrugor në DVP Fier, në vijim të veprimeve hetimore dhe procedurale të kryera për zbardhjen e rrethanave dhe dokumentimin e ngjarjes së ndodhur në fshatin Qenas ku u aksidentua me pasojë vdekje shtetasi Q. M., bënë të mundur identifikimin dhe kapjen e autorit së bashku me mjetin e tij tip “Fiat Punto”, i cili pasi aksidentoi me pasojë vdekjen 24- vjeçarin, u largua nga vendngjarja. U arrestua për veprat penale “Shkelje e rregullave të qarkullimit rrugor” dhe “Largim nga vendi i aksidentit”, shtetasi K. M., 28 vjeç, banues në Fier.
Ngjarja e rëndë ndodhi mbrëmjen e djeshme në fshatin Qenas, teksa 24-vjeçari me iniciale Q.M po udhëtonte me biçikletë. Pas përplasjes 24-vjeçari mori plagë të mëdha dhe mbeti i vdekur në vend.
