Të dielën që kaloi një aksident i rëndë ka ndodhur në Tiranë, ku makina ka përplasur një çift së bashku me foshnjën tre-muajshe në vijat e bardha . Ajas Sulejmeni, 39 vjeç, me makinën e tij luksoze shkaktoi aksidentin e rëndë në rrugën e Kavajës në Tiranë dhe më pas u largua nga vendi ngjarjes por nuk i ka shpëtuar dot policisë pasi është arrestuar pas disa orësh.
Ndërkohë ai ka deklaruar se nuk ka qenë i droguar në timon dhe ka mohuar të ketë qenë me shpejtësi në momentin që ndodhi aksidenti tek “Rruga e Kavajës”. Sulejmani ka theksuar se po lëvizte me 40 km/ h.
Gjithashtu ai akuzoi policinë se testi i drogës nuk ishte real ndaj ka kërkuar që ti bëhen analizat e gjakut.
“Nuk u largova nga vendi i aksidentit, çova vajzën në spital. Nuk kam qene shpejt. Kam qenë me 40 km/h, s’kam faj, nuk punuan frenat e sistemi të frenimit. Testi i drogës nuk është real, më bëni analiza gjaku, nuk përdor drogë. Ndërkohë është shtyrë sërish seanca e dhënies së masës ndaj tij, për ditën e nesërme, ku ai do të përballet me akuzat që rëndojnë mbi të”, është shprehur Ajas Sulejmani.
Kujtojmë që Ajas Sulejmani është dënuar me një gjobë prej 1 milionë lekësh të vjetra si dhe i është pezulluar patenta edhe për 2 vjet përveç gjobës. Shkeljet e kryera nga ai janë mosrregullim i shpejtësisë, kalim i semaforit të kuq, mosdhënie e ndihmës ndaj të aksidentuarve, largim nga vendi i aksidentit.
