Mbrëmjen e sotme policia ka dalë me një njoftim zyrtar sa i përket detajeve të reja mbi ngjarjen e rëndë të ndodhur në aksin Leva-Tepelenë ku mbetën të vdekur 2 persona dhe u plagosën 3 të tjerë.
Gjithashtu në njoftimin e bërë, policia sqaron se kanë humbur jetën Sokrat Lelaj 54 vjeç (drejtuesi i automjetit) i cili është efektiv i FNSH dhe vjehrra e tij Bylyre Salaj. Ndërsa bashkëshortja e Sokratit, shtetasja Fatbardha Lelaj 53 vjeç ndodhet në gjendje të rëndë shëndetësore.
Ndërkohë nga ana tjetër të plagosur kanë mbetur edhe shtetasit Gerti Skënderaj, 43 vjeç, banues në Cakran(drejtuesi i mjetit tip “Opel Zafira”), bashkëshortja Gladiola Meraj, 31 vjeçe dhe vajza e tyre 6 vjeçe.
Njoftimi i Plotë:
Fier
Në vijim të informacionit paraprak të dhënë për aksidentin në fshatin Buzëmadh, u bë identifikimi i personave të plagosur dhe atyre që ndërruan jetë.
Janë plagosur shtetasit G. S., 43 vjeç, banues në Cakran(drejtuesi i mjetit tip “Opel Zafira”), bashkëshortja G. M., 31 vjeçe dhe vajza e tyre 6 vjeçe.
Kanë ndërruar jetë shtetasit S. L., 54 vjeç, banues në Mbrostar, (drejtuesi i mjetit “Ford”), dhe shtetasja B. S., 78 vjeçe (vjehrra e shtetasit S. L) si edhe ndodhet në spital në gjendje të rëndë shtetasja F. L., 53 vjece, bashkëshortja e shtetasit S. L
