Nga aksidenti tragjik ka ndodhur gjatë orëve të para të mesnatës në autostradën e Strumës në Bullgari ku kanë humbur jetën 45 persona dhe kanë mbijetuar vetëm 7.
Sipas mediave maqedonase, këta 7 të mbijetuar janë duke u trajtuar në spitalin e Sofjes. Më herët u raportua se vetëm 2 prej të mbijetuarve janë në gjendje të mirë shëndetësore dhe të vetëdijshëm për çfarë ka ndodhur.
Lista e personave që i kanë shpëtuar aksidentit: Sh. N. Saleh 36 vjeç, Medina Lutfi 25 vjeçe, Lulzim Sulejmani 26 vjeç, Gjyla Jasharovska 49 vjeç, Minir Jasharovski 50 vjeç,
Ebib Pajazitovski 49 vjeç dhe Zulehja Jasharovska 16 vjeç
Kujtojmë që një nga të mbijetuarit i ka rrëfyer kryeministrit Zaev se ata që kanë arritur të shpëtojnë kanë thyer dritaret dhe kanë dalur nga autobusi. Personi që ka shpëtuar ka trguar se fillimisht pasagjerët janë tronditur kur kanë dëgjuar një shpërthim.
“Ai më tha se ka dëgjuar shpërthim. Kanë arritur të shpëtojnë pasi kanë thyer dritaret dhe kanë arritur të dalin nga autobusi. Viktimat e tragjedisë janë persona të moshës prej 25-30 vjeç, ka edhe fëmijë. Tragjedia është e madhe. Ju besojmë kolegëve tanë bullgarë për hetimin. Nëse u duhet ndihmë, jemi të gatshëm të ndihmojmë në hetim. Tani më e rëndësishmja është të shohim t’u ndihmojmë të lënduarve”, deklaroi Zaev.
Sipas autoriteteve bullgare shtatë të mbijetuarit e tragjedisë ndodhen aktualisht në spitalin “Pirogov”, fatmirësisht jashtë rrezikut për jetën.
