Një ngjarje misterioze ka ndodhur këtë të diel në Firer pranë vendit të njohur si ura e Mbrostarit në Fier. Parmakët e urës janë shkatërruar e një pjesë e tyre ka rënë në ujrat e lumit Seman. Ajo që mbetet e paqartë është nësë mjeti që është përplasur në të ka përfundur në ujë apo është larguar pas përplasjes.
Sipas informacioneve të deritanishme makina, targa e të cilës është gjetur te Ura e Mbrostarit ku janë thyer parmakët e saj, nuk i ka ndaluar një postblloku policie tek Ura e Sheqit. Menjëherë komandanti i patrullës ka kryer njoftimin në sallën operative. Kujtojmë se sipas informacioneve, makina është marrë me qera nga Mateo Lika i cili ka tre ditë që ka ardhur nga Gjermania.Deri tani GPS i makinës është i fikur gjithashtu edhe numri i celularit të të riut që e ka marrë me qera, Mateo Lika.
Grupi i parë i polumbarëve ka mbërritur në vendngjarje për të bërë kërkimet në lumin Seman, ku dyshohet se mund të ketë rënë makina me pasagjerët.
Njoftimi i Policisë
Në orët e para të mëngjesit të sotëm, në vendin e quajtur “Ura e Mbrostarit”, janë konstatuar të thyer parmakët anësore të njërit krah të kësaj ure.
Në anë të rrugës është gjetur targa e një automjeti. Nga verifikimet rezultoi se kjo targë i përket një automjeti të marrë me qera nga shtetasi M. L., 26 vjeç, banues në Fier, me të cilin nuk është bërë e mundur marrja e kontaktit pasi numri telefonit del i fikur.
Priten polumbarët e Renea-s për të kontrolluar përgjatë lumit me qëllim gjetjen e automjetit nëse ka rënë në lum.
Grupi hetimor po punon për sqarimin e rrethanave të kësaj ngjarjeje.
“Dua një familje tjetër”/ Flet komshiu që mbrojti 12-vjeçaren nga babai ‘monstër’
Bahri Mblloshmi, i pari që gjeti 12-vjeçaren e abuzuar në fshatin Sheqisht të Fierit, rrëfeu momentin kur vajza hyri në...
