Mësohet emri i drejtuesit të automjetit që shkaktoi aksidentin masiv në Vlorë me 11 makina.
Ishte kreu i Agjencisë së Mjedisit në Vlorë, Kreshnik Lilaj, në timonin e makinës tip “Benz” me targa AA272RB që mori para 10 mjete të tjera në parkim.
Për momentin ai ndodhet në spitalin Rajonal të Vlorës jashtë rrezikut për jetën ndërsa akuzohet për shkelje të rregullave të qarkullimit.
Sipas informacioneve nga policia, Lilaj ka qenë nën efektin e alkoolit në normën 0.7 nga 0.2 që duhet te jetë normalja.
Lilaj doli nga rruga, përplasi 10 mjete të parkuara në rrugën Transballkanike, ndërsa makina fluturoi në ajër.
Fatmirësisht nuk pati persona të tjerë të lënduar, ndërsa dëmet materiale janë të shumta.
