Aksident tragjik në aksin Rubik-Rrëshen, autobusi përplaset me mjetin me targa italiane, ndërron jetë drejtuesi

Një aksident me pasoja të rënda ka ndodhur pasdietn e sotme në aksin Rubik-Rrëshen. Rreth orës 17:22, një autobus është përplasur me mjetin tip “Land Rover” me targa italiane dhe si pasojë ka humbur jetën drejteusi i mjetit. Ende nuk janë bërë detaje të tjera të ditura dhe personi që ka humbur jetën ende nuk është identifikuar.

Ndërkohë, drejtuesi i mjetit autobus është duke u shoqëruar në Komisariatin e Policisë Mirditë, për veprime të mëtejshme.

Aktualisht në vendin e ngjarjes ndodhet grupi hetimor dhe është duke punuar për zbardhjen e plotë të rrethanave të aksidentit.

Në foto duket pjesa e përparme e mjetit që është shkatërruar plotësisht, ndërsa policia ndodhet në vendin e ngjarjes dhe një prej tyre afrohet që të nxjerr drejtuesin nga makina, duke u munduar të futet nga ana e dritares, por pa asnjë rezultat.

Njoftimi i policisë:

Mirditë/Informacion paraprak

Rreth orës 17:22, në aksin rrugor Rubik-Rreshen, mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.

Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes .