Një aksident ka ndodhur sot në aksin Korçë-Pogradec, në afërsi të Maliqit.
Dy makina janë përplasur me njëra-tjetrën, duke u shkatërruar në pjesën e përparme.
Bëhet fjalë për një mjeti tip “Benz” me drejtuese shtetasen E.B., dhe mjeti tip “Golf” me drejtues shtetasin Gj.M., 26 vjeç.
Përveç drejtuesve të mjeteve kanë ngelur të plagosur edhe tre pasagjerë, konkretisht shtetaset E.T., D.T., të dyja pasagjere në mjetin tip “Golf” dhe shtetasja L.Sh, pasagjere në mjetin tip “Benz”.
Një nga personat kishte mbetur i bllokuar në makinë dhe është dashur ndërhyrja e forcave zjarrfikëse për të nxjerrë trupin e tij nga mjeti, që fatmirësisht, është nxjerrë i gjallë.
Të plagosurit ndodhen në spitalin e Korçës nën kujdesin e mjekëve.
Ndërkohë policia po punon për të zbuluar shkaqet e ngjarjes.
