Një aksident automobilistik ka ndodhur mesditën e kësaj të enjteje në aksin rrugor Prrenjas-Librazhd, pranë fshatit Pishkash.
Në përplasje janë përfshirë tre automjete, përfshirë një kamion dhe dy makina.
Sipas informacionit paraprak, nuk ka raporte për të lënduar, megjithëse mjetet kanë pësuar dëme të mëdha materiale.
Dyshohet se shkak i aksidentit ka qenë lagështira në rrugë dhe shpejtësia e madhe e automjeteve në kushtet e motit me shi.
Grupi hetimor ndodhet në vendngjarje dhe po kryen hetime për të zbardhur shkakun e plotë të aksidentit.
