Ditën e sotme një aksident i rëndë ka ndodhur në Pogradec, ku si pasojë kanë mbetur 3 persona.
Bëhet me dije se aksidenti u regjistrua në aksin Pogradec-Qafë Thanë ku janë përplasur 2 mjetë. Mësohet se janë dëmtuar dy drejtuesit e mjeteve dhe një pasagjere. Të tre të plagosurit ndodhen në spital, nën kujdesin e mjekëve.
“Pogradec/Informacion paraprak
Më datë 22.08.2022, rreth orës 15:50, në aksin rrugor Pogradec-Qafë Thanë, në afërsi të fshatit Piskupat, janë përfshirë në një aksident rrugor automjeti tip “Benz” me drejtues shtetasin V. A., 48 vjeç, banues në Strugë, Maqedoni, me automjetin tip “Golf”, me drejtues shtetasin D. S., 22 vjeç.
Për pasojë janë dëmtuar dy drejtuesit e mjeteve dhe shtetasja S. A., 46 vjeçe, banuese në Strugë, Maqedoni, pasagjere në mjetin tip “Benz”, të cilët ndodhen në Spitalin e Pogradecit, nën kujdesin e mjekëve.
Grupi hetimor po punon për zbardhjen e rrethanave dhe përcaktimin e shkaqeve të aksidentit”, thuhet në njoftimin e Policisë së Shtetit.
Vlen të theksojmë se numri i të aksidentuarve (të vrarë dhe të plagosur) është 150 persona nga 175 që ishte në muajin korrik 2021. Numri i të vdekurve nga aksidentet rrugore është 6 persona, nga 13 persona të vdekur në Korrik 2021. Aksidentet rrugore, në 87,6 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 26,7 % të numrit të aksidenteve gjithsej.
