Një aksident tragjik ndodhi mbrëmjen e kaluar në Fushë Kosovë, ku dy persona humbën jetën, një grua dhe një vajzë e mitur.
Policia e Kosovës njoftoi se ngjarja ndodhi rreth orës 22:11 më 19 maj 2025 dhe ishte një vetaksident me një automjet që drejtohej nga një grua me shtetësi kosovare.
Pas përplasjes, drejtuesja e makinës dhe pasagjerja, e cila ishte gjithashtu kosovare, u dërguan me urgjencë në Qendrën Klinike Universitare të Kosovë.
Megjithatë, për shkak të plagëve të rënda, të dyja ndërruan jetë.
Me urdhër të prokurorit, trupat e viktimave u transferuan në Institutin e Mjekësisë Ligjore për kryerjen e obduksionit.
Autoritetet kanë nisur hetimet për të sqaruar të gjitha rrethanat e këtij aksidenti fatkeq.
