“Gazetareforma.com” para pak kohe publikoi një lajm mbi dy leje që Bashkia Kavajë kishte dhënë në zonën e Malit të Robit dhe sipas informacioneve të konfirmuara në rrugë jo zyrtare, në zonë do të ndërtoheshin godina 2-3 katëshe pak metra larg bregut të detit si dhe një rrugë që bllokonte tërësisht komunitetin e banorëve në zonë.
Megjithatë më vonë këto leje u tjetërsuan.
Për këtë ne kemi kontaktuar me një sërë institucionesh, deri tek bashkia Kavajë, por për të pasur një ide më të qartë kemi kontaktuar edhe me drejtorin e Agjencisë Kombëtare të Bregdetit, z.Auron Tare.
Pasi i kemi folur për rastin në fjalë z.Tare na ka pohuar se ai do ta ndjekë e denoncojë këtë rast në instancat e duhura.
Kujtojmë se siç ka konfirmuar vetë z.Sakja, dy lejet e dhëna në zonë përkatësisht i janë dhënë: Z.Irfan Hysenbelliut, i cili në funksion të resortit të vetë në zonë “Prestige resort” do të ndërtojë aty objekte të përkohshme me bazë druri apo çeliku si dhe një pishinë. Ndërsa përsa i përket lejes së dytë, do të jetë Fondi Shqiptar i Zhvillimit që do të investojë për ndërtimin e një shëtitoreje në zonë që fillon nga “Prestige resort” e përfundon në Qerret sipas z.Sakja.
Por sa i përket pishinës, rasti nuk është aq i thjeshtë sa ndërtimet e përkohshme. Në ligj citohet se:
Ligjin Nr. 111/2012 “Për menaxhimin e Integruar të Burimeve Ujore, nenin 67 i cili përcakton se:
1. Në brigje, plazhe dhe në zonat e vërshimit ndalohen:
a) ndryshimi ose zhvendosja e mbulesës bimore natyrore apo artificiale;
b) marrja e materialeve inerte, rërë, zhavorr, gurë ose plisa;
c) ndërtimi i vendeve të parkimit për mjete ujore dhe automjete tokësore;
ç) krijimi i vendeve të thata për rrjetat;
d) gërmimi, shpimi ose shpëlarjet;
dh) hedhja apo depozitimi i materialeve inerte që dalin nga prishja e objekteve ndërtimore, gërmimeve të ndryshme, si dhe veprimtarive të tjera që gjenerojnë mbetje;
e) shkarkimi i ujërave të ndotura urbane e industriale të patrajtuara.
Ligjin Nr. 107/2014, datë 31.07.2014 “Për Planifikimin dhe Zhvillimin e Territorit”, i ndryshuar,;
Ligjin Nr. 9780, datë 16.07.2007 “Për Inspektimin dhe Mbrojtjen e Territorit nga Ndërtimet e Kundërligjshme”, i ndryshuar.
Gjithashtu, në kuadër të ankesave të shumta të banorëve të zonës, “gazetareforma.com” merr përsipër ta ndjekë në rrugë ligjore çështjen duke përgatitur një padi për Bashkinë e Kavajës.
