Deputeti democrat Flamur Noka ka reaguar për herë të parë pas vendimit të kreut të PD, Lulzim Basha, për ta shkarkuar nga funksioni i Nënkryetarit të Komisionit të Sigurisë Flamur Nokës. Në një lidhje telefonike për Fax News, Noka ka thënë Basha po bën përpjekjet e fundit para se të shkarkohet edhe vetë.
I pyetur në lidhje me paralajmërimin e Bashës për ta përjashtuar nga grupi parlamentar, Noka tha se kur përjashtoi Berishën, lehtësisht mun të përjashtonte dhe atë.
Deputeti deklaroi se askush në botë nuk do e ndalojë të mbrojë partinë dhe vlerave, ndërsa Bashën e cilësoi pengmarrës që bën gjithçka për karrigen.
“Ai përjashtoi Sali Berishën, e kuptoni çfarë thoni? Gjithçka për t’u kapur pas karriges, ësht peng dhe e urdhërojnë të tjerët gjithçka që bën. Nga një peng pritet gjithçka. Vjen si pasojë e reagimeve dhe qëndrimeve të mia. Unë nuk hesht, nuk e pranoj dot që partia ime të pushkatohet dhe të shkelet me këmbë. Nuk do të ndërmarr asnjë hap. Në aspektin personal kjo gjë nuk më shqetëson sepse nuk i lidh gjërat me Bashën, une e kam lidhur fatin tim me PD. Jam rritur në atë parti. Kemi kaluar 97 në atë parti. Më shqetëson se ku ka degraduar lidershipi i partisë time. Për të tjerat nuk kam asnjë shqetësim. Basha në përpjekjet e fundit po bën veprime të tilla para se të shkarkohet për vete. Ai është i shkarkuar sepse anëtaria është duket firmosur një formular për një kongres të jashtëzakonshëm. Kam kërkuar që forca jonë politike të përballet me regjimin dhe jo të shkarkohet nga kryetari. Nuk kam pranuar nënshtrimin ndaj Bashës dhe kjo është pasoja. Ka një gjë. Sot kjo parti tregoi që udhëhiqet nga një kryetar që ka frikë. Si mund të mundë Edi Ramën, kur ka frikë që të përballet me deputetët e tij. Ai është në përpjekjet e fundit për t’u kapur me kthetra pas karrigeve. Ai është peng dhe i shitur. Të jeni të sigurtë që asgjë në botë nuk më ndalon që të mbrojë partinë dhe vlerat. Jo Basha po askush në këtë tokë. Do i qëndroj parimeve të mia. Kam punuar për atë parti, është thjesht pengmarrës”, ka thënë Noka.
