Zhvatje, tender, korrupsion, shantazh, oligarkë të qeverisë, intervista e dytë e ish. zv kryeministrit Arben Ahmetaj nuk ishte gjë tjetër veçse një denoncim i vonuar e që ka kohë që ka dalë në dritë. Ahmetaj, me asnjë lloj ndryshimi nga kolegët e tij në periudhë “disfate” i zbrazi të gjitha, denoncime të cilat tashmë janë bërë publike
AKSHI nuk mbeti mbrapa.
Agjencia Kombëtare e Shoqërisë së Informacionit me në krye Mirlinda Karçanajn “kamikazen” e kreut të qeverisë është prej kohësh “VIP” për zinxhirin e skandaleve me fondet e buxhetin e shtetit. Mirlinda si të shkojë, si të mos shkojë në SPAK prap do merrej “peng” nga qeveria. Nuk ka patur asnjë reflektim dhe koha e ka treguar.
Skandali me AKSHI-n daton që para 2 vitesh atëherë kur hakerët iraniane “shpartalluan” sistemin kibernetik shqiptar. Miliarda lekë tenderash nga buxheti i shtetit dhe puna që bën ky institucion është zero, siguria është zero përsa kohë që të ashtuquajturat investime dokumentohen vetëm në letra por nuk zbatohen konkretisht
Miliarda lekë nga taksat tona financojnë AKSHI-n, dhe ky institucion nuk ka të ngropur. Lumë parash që shpenzohen pa mekanizëm kontrolli. “Operacionet” e këtij institucioni kanë dështuar gjithmonë.
Edhe më herët Eksperti i IT, Gent Progni ka denoncuar disa herë abuzimet e këtij institucioni përmes tenderave me fondet publike të shqiptarëve. Sipas tij, AKSHI nuk është gjë tjetër veçse një gropë e madhe thithëse e taksave të qytetarëve, për të cilën askush nuk mban përgjegjësi.
Progni denoncoi skemën e tenderit që kamikazja e Ramës, Mirlinda ngriti me shifrën e çmendur prej 200 milionë lekësh për ri-formatimin e E-Albania, ndërkohë që vazhdon të ketë mangësi dhe disa nga shërbimet që qytetarët duan të kërkojnë, mungojnë.
Në thelb duket sikur AKSHI ka fuqi monopoli absolut, pasi vendos vetë për standardet e tenderave publikë në industrinë e IT, cakton fondin limit, përzgjedh fitues. Zhvatja vijon, për sa kohë që një pjesë e shpenzimeve të kompanive që fitojnë tendera nga ky institucion fryhen për të çuar para në llogaritë e aktorëve të tretë përmes nënkontraktimeve.
Taksa të qytetarëve që sheshohen nëpër kasafortat e oligarkëve. Tenderë me 0 transparencë që fitohen nga vartësit e qeverisë, Ermal Beqiri i “Soft dhe Solution”, Ilir Beqaj, Gerond Meçe me kompanitë mike, miq të kreut të qeverisë.
