Partisë Demokratike i largohet edhe një nga aleatët e saj dhe kjo për mungesë të theksuar besimi.
Bëhet fjalë për kreun e Partisë Agrare Ambientaliste, Agron Duka, i cili i ftuar në “360 Gradë” ka folur rreth pritshmërive të tij për protestën e 16 shkurtit dhe zhvillimin e zgjedhjeve të parakohshme parlamentare.
Duka ka thënë se mendon që populli duhet të dalë vet në protestë, ndërsa opozita të shikojë rrugën parlamentare dhe t’i jap drejtim asaj.
“Për momentin, nëse opozita udhëheq dhe vë në lëvizje këto pakënaqësi popullore kemi dy probleme të ndara. Populli del në protestë përpara kushtet ekonomike. Kushdo që sheh një parlamentar që bërtet për hir të popullit thotë se ky do me marrë pushtetin. Duke qenë se kjo qeveri ka ra moralisht për të gjitha këto demaskime që i bëhen meqenëse ka ardhur në pushtet me vota të vjedhura mund të kemi zgjedhje të parakohshme, por kjo më duket një fabul shumë e bukur. Që opozita të shkojë në zgjedhje vendore dhe parlamentare të parakohshme me një qeveri tranzitore pa Edi Ramën mua më duket shumë e vështirë”, ka thënë Duka
