Kryetari i Partisë Agrare Ambientaliste, Agron Duka ka shpërndarë deklaratën e Lidhjes Rinore Ambientaliste, të cilët kanë komentuar statusin e Ramës për vaksinimin masiv ndaj COVID-19.Në deklaratën e publikuar nga Duka thuhet se: “Rama jeton me princët dhe si princ – ndërsa shqiptarët i trajton si skllevër elektoralë”.
LRA ndër të tjera shkruan me ironi se e falenderon kryeministrin për princin e Emirateve të Bashkuara, që u kujdes që Rama ta bënte vaksinën ndaj COVID-19. Ata akuzojnë kryeministrin që po jeton si princ ndërsa shqiptarët i trajton si skllevër elektoral. Në deklaratë, thuhet se Rama ka ëndërr të bëhet ‘’sulltan i madhërishëm’’ i një vilajeti të varfëruar.
Statusi nga kryetari i PAA, Agron Duka
Kryetari i PAA z. Duka ndan me ju këtë deklaratë të forumit rinor ambientalist të PAA: “Rama jeton me princët dhe si princ – ndërsa shqiptarët i trajton si skllevër elektoralë”.
Lidhja Rinore Ambientaliste (LRA) falenderon princin e Emirateve të Bashkuara dhe i uron që t’i bëhet jeta diell për përkujdesjen e tij princërore për udhëheqësin e përjetshëm të shqiptarëve në varfërim të përhershëm.
E ardhmja e Shqipërisë është një vend demokratik, ndërsa ëndrra e Ramës është për të qenë “sulltani i madhërishëm” i një vilajeti në varfërim shpirtëror dhe ekonomik.
Shqiptarët në 25 Prill do të votojnë pro ndryshimit dhe kundër RamSulltanit.
Shqipëria ka mbi një shekull që i ka shpëtuar robërimit të sulltanëve
