Adriana Kalaja, kryetare e Komisionit të Apelimit në PD, ka shpërndarë detaje në lidhje me aferën e pronës në Surrel, ku është e përfshirë familja e kryeministrit, gjatë një interviste në emisionin “Çim Peka LIVE”.
Ajo deklaroi se ka nisur hetimin e këtij rasti që në fillim të vitit 2022, dhe e cilësoi atë si një nga rastet më flagrante të abuzimit me pronën publike.
Kalaja përmendi se pjesë e këtij skandali është edhe sekretari i përgjithshëm i Kryeministrisë, Ëngjëll Agaçi, i cili, sipas saj, ka ndërhyrë në mënyrë të paligjshme kur çështja ka arritur në Gjykatën e Apelit.
Ajo tha se Agaçi ka ushtuar presion të drejtpërdrejtë ndaj trupës gjykuese, e përbërë nga tre gjyqtarë.
Sipas Kalasë, dosja ishte shumë e pastër dhe nuk kishte hapësirë për vendime të kontestueshme, por gjyqtarët morën një vendim të ndërmjetëm, duke e kthyer çështjen në Gjykatën Administrative me një trup tjetër gjykues.
Ky vendim nuk ishte në linjë me atë që Agaçi priste, i cili, sipas Kalasë, kërkonte një vendim të favorshëm për interesat e familjes Rama.
Kalaja denoncoi gjithashtu se tre gjyqtarët që nuk u përshtatën me “pritshmërinë” e Agaçit, u shkarkuan më pas nga vettingu, një veprim që ajo e quajti hakmarrje të strukturuar dhe një sinjal të presionit politik mbi drejtësinë.
Në momentin që është gjetur ky shtetas, ai ka shkuar në komunë dhe ka thënë se i kanë humbur aktet e marrjes së tokës në pronësi.Këtu ka filluar falsifikimi i pronës, sepse kur kanë dalë certifikatat ose aktet e marrjes në pronësi të tokës, që kanë dalë në duplikatë, sipërfaqja e pronës është dyfishuar: nga 8 mijë ka shkuar në 16 mijë metra katrorë.
Banorët e zonës janë vetë në dijeni të këtij fakti dhe e kanë denoncuar në vitet 2011–2012 në prefekturë, sepse në atë kohë ligji e ngarkonte prefekturën që të merrej me ngastrat e tokës të përfituara nga ligji 7501.Prefekti i qarkut, i kohës, para ndryshimeve të vitit 2013, e vuri në lëvizje administratën. Ata shkuan në terren dhe u vërtetua ankimimi i një banoreje të zonës se personi në fjalë, me mbiemër Isufi, kishte marrë një sipërfaqe të konsiderueshme, më tepër nga ajo që i takonte. Në momentin që kjo çështje ka shkuar në Gjykatën e Apelit, vihet në dijeni familja kryeministrore. Grisen antenat dhe ishte moment që kishte filluar reforma në drejtësi.
Ëngjëll Agaçi, në mënyrë ekskluzive, them, i bën presion të tre gjyqtarëve, por duke qenë se dosja ishte shumë e pastër, gjyqtarët nuk e prishnin dot, bënë një zgjidhje të ndërmjetme, duke e rikthyer çështjen në Gjykatën Administrative me tjetër trup gjykues.
Dhe vjen tek gjyqtarja Arbena Ahmeti. Dhe çfarë ndodh, të tre gjyqtarët, megjithëse e prishën vendimin, por nuk dhanë vendimin që Ëngjëll Agaçi, mëkëmbësi i Edi Ramës, donte, u shkarkuan nga vettingu.
Ndërkohë, gjyqtarja që pranon kërkesën e paligjshme të Artan Lames, për pushimin e çështjes, emërohet në Gjykatën e Lartë, një muaj pasi ka marrë këtë vendim.Të gjitha këto argumente, bashkë me hartën, të gjithë pronat objekt, janë tokë shtet.
Linda Rama futi persona të tretë për të mos e blerë direkt vetë, pra është një grup i strukturuar kriminal për blerjen e kësaj prone dhe Linda Rama, megjithëse është blerësja e tretë, e blen me të njëjtin çmim si fillestari, me 2 mijë lekë të vjetra metrin katror, u shpreh Kalaja.
