Një fabrikë e prodhimit të vaksinave për Covid-19 do të ndërtohet në Afrikën e Jugut dhe ajo do të jetë e para e këtij qëllimi në continent. Presidenti i Afrikës së Jugut u shpreh se Afrika e kuptoi që dozat nuk do vinin kurrë nga diku tjetër në kohë për të shpëtuar jetë.
Ramaphosa u bashkua me Organizatën Botërore të Shëndetësisë (OBSH) dhe Presidentin Francez Emmanuel Macron në njoftimin e qendrës së re për teknologjinë e vaksinës koronavirus të ARN.
Por pasi projekti do të marrë kohë për të filluar, nuk priten vaksina prej tij deri vitin e ardhshëm. Në qendrat e transferimit të teknologjisë, teknologjia është vendosur në shkallë industriale, ndërsa prodhuesit e interesuar mund të marrin trajnim dhe çdo licencë të nevojshme për të.
“Aftësia për të prodhuar vaksina, ilaçe dhe mallra të tjerë të lidhur me shëndetin do të ndihmojë për ta vendosur Afrikën në një rrugë drejt vetëvendosjes. Është treguar tani që ne thjesht nuk mund të vazhdojmë të mbështetemi te vaksinat që bëhen jashtë Afrikës sepse ato nuk vijnë kurrë. Ato kurrë nuk arrijnë në kohë dhe njerëzit vazhdojnë të vdesin”, tha Ramaphosa në një konference për shtyp virtuale të OBSH-së përmes.
Shefja shkencëtar i OBSH-së Soumya Sëaminathan tha se mund të duhen nëntë deri në 12 muaj para se vaksinat Covid-19 të prodhohen në Afrikën e Jugut duke përdorur procese të testuara dhe të aprovuara.
Nën sistemin e shpërndarjes së teknologjisë, OBSH dhe partnerët e tij sjellin njohuri për prodhimin, kontrollin e cilësisë dhe licencat e nevojshme për të mundësuar një shpërndarje të shpejtë.
Në qendrën e Afrikës së Jugut, kompania bio-farmaceutike Biovac do të veprojë si zhvilluese; firma e bioteknologjisë Afrigen do të jetë prodhuesi; dhe një konsorcium i universiteteve do të sigurojë njohuri shkencore.
Teknologjia gjenetike e ARN Messenger – siç përdoret në vaksinat e koronavirusit Pfizer-BioNTech dhe Moderna – stërvit trupin për të riprodhuar proteina spike të ngjashme me ato që gjenden në koronavirus. Kur ekspozohet ndaj virusit të vërtetë më vonë, trupi njeh proteinat spike dhe është në gjendje t’i luftojë ato.
